Annar jólasveinninn til byggð í kvöld

Já það er ótrúlegt hvað börn fá góðan svefn á aðventunni ! Hvað skildi eiginlega valda því ? Allavega þá voru mín börn mjög spennt yfir því að fá skeggjaðann mann til að fylgjast með því að þau væru nú stillt og prúð, meir að segja þá skrifaði Erna jólasveininum bréf, bara svona til að tryggja það að hann setti nú eitthvað góðgæti í skóinn, sem og hann gerði.

Ég fór með krakkana í bókabúð áður en fyrsti jólasveinninn kom til að kaupa bókina Jólin koma sem inniheldur fróðleik um jólin og jólasveinana eftir Jóhannes úr Kötlum. Mér finnst það bara svo stór hluti að lesa þessa bók aftur og aftur fyrir jólin fyrir börnin mín. það er eitthvað svo jólalegt við hana. Að vísu keypti ég líka ömmu sögur eftir sama höfund og þar er yndisleg saga sem ég síðar frétti að amma mín í Ártúni kunni utan að og sagði alltaf fyrir jólin.. það gerði bókin helmingi jólalegri við það..

http://edda.is/net/products.aspx?pid=709


En það var mikill og skemmtilegur dagur hjá mér í gær sem endaði í meiriháttar fótbolta í gömlu tennishöllinni í Kópavogi. Þetta var nú meiri boltinn, maður er í minna en lélegu formi og var stóð því á öndinni allan tímann. Það sem er svo yndislegt við þennan vinahóp minn að þarna eru allir til að spila skemmtilegan fótbolta, það er enginn tæklaður í döðlur og allt er í mesta bróðerni þó að keppnin sé mikil.

Við erum búin að vera mikið á flakki um bæinn og hitta mikið af fólki og við erum að fá svo mörg heimboð að ég held að við komumst ekki yfir þetta allt saman.